Prydau Ysgol
Croeso i brydau ysgol The Big Fresh Catering.
Rydym ni’n gweithio’n glòs gyda’n hysgolion a’n cyflenwyr lleol i ddarparu gwasanaeth proffesiynol gyda’r cynnyrch lleol gorau. Mae ein bwydlenni wedi’u llunio’n ofalus i sicrhau bod ein cwsmeriaid yn cael y maethynnau hanfodol. Mae croeso i chi gysylltu â ni i ofyn unrhyw gwestiynau sydd gennych ynglŷn â’n gwasanaeth.
Ar gyfer Ysgolion
- Rydym ni’n cynnig bwydlenni arloesol ac iachus sy’n bodloni Rheoliadau Bwyta’n Iach (Cymru) 2013
- Mae ein bwydlenni’n rhedeg ar sail cylch o 4 wythnos ac yn newid ddwywaith y flwyddyn
- Mae gwybodaeth am alergenau ar gael yn rhwydd ar draws ein darpariaeth
- Mae ein tîm yn sicrhau cydymffurfiaeth ddeddfwriaethol â phob agwedd ar Ddiogelwch Bwyd a Safonau Llywodraeth Cymru
- Mae staff yn cyflawni rhaglen hyfforddi drylwyr i sicrhau eu bod yn gallu cydymffurfio â phob agwedd ar ddiogelwch bwyd, o archebu, paratoi, coginio, gweini a glanhau’r holl fwyd a chyfarpar wrth ddarparu prydau ysgol.
- Mae ein Rheolwr Ardal yn archwilio pob cegin yn flynyddol, er mwyn paratoi adroddiadau i Uwch Reolwyr a Phenaethiaid. Mae Swyddogion Iechyd yr Amgylchedd hefyd yn archwilio’r ceginau yn rheolaidd ac yn rhedeg gwobr Cynllun Sgorio Hylendid Bwyd.
- Rydym yn gweithio’n agos gyda’r proffesiwn meddygol i ddarparu ar gyfer gofynion dietegol penodol.
- Mae cyfarfodydd SNAG rheolaidd (Grwpiau Gweithredu ar Faeth yn yr Ysgol) yn cael eu trefnu er mwyn i ddisgyblion, rhieni ac ysgolion gymryd rhan yn y penderfyniadau am y bwyd a weinir yn eu hysgolion.
- Mae’r holl fwyd a ddefnyddir ar gyfer y gwasanaeth prydau ysgol a rhannau eraill o’r cyngor yn cael ei gaffael drwy reoliadau Caffael Cyhoeddus yr UE drwy GwerthwchiGymru.
Mae ein bwydlenni’n parhau i ddilyn Safonau Bwyd a Maeth Llywodraeth Cymru a nodwyd yn Rheoliadau Bwyta’n Iach (Cymru) 2013.
Dewiswch i weld ein bwydlen gyfredol.
Bydd pob plentyn sydd ag anghenion deietegol arbennig neu feddygol, gan gynnwys alergeddau, anoddefiadau neu ARFID, yn parhau i allu dewis brechdan neu wrap os nad yw unrhyw un o’r dewisiadau poeth yn addas neu’n cael eu ffafrio. Bydd pob plentyn sydd ar fwydlen bwrpasol, er enghraifft heb glwten, llaeth neu soia, yn parhau i wneud ei ddewisiadau drwy Cycad yn ystod y diwrnod ysgol.
Rydym hefyd yn darparu ar gyfer plant ag anghenion dietegol arbennig, gan nad ydym am i unrhyw blentyn fynd heb ginio. Os oes gennych blentyn ag anghenion dietegol arbennig, cysylltwch â ni er mwyn i ni weld a oes modd i ni ddarparu ar gyfer eich anghenion. Efallai y byddwn yn gofyn i chi am lythyr gan ddietegydd i ddangos y diagnosis o’r deiet arbennig sydd ei angen.
Noder mai ysgolion sy’n delio â’r holl waith o gasglu taliadau am brydau ysgol, siaradwch â’ch ysgol os oes gennych unrhyw broblemau o ran talu.
